Parichay Talks :- (Freend Book) Dt :- 14-03-23 પ્રાણ છું,.... કવિયત્રી : - જુલી સોલંકી ' સચેત ', ભુજ-કચ્છ

પ્રાણ છું,...... કવિયત્રી : - જુલી સોલંકી ' સચેત ', ભુજ-કચ્છ

ગુલાબી સવારે મહેકેલો માન છું; 

પુષ્પમાં ધબકી રહેલો પ્રાણ છું.

અંતરે વસી ગયેલો જીવ છું,

પ્રેમ વચ્ચે વાતડીનો જામ છું;

પુષ્પમાં ધબકી રહેલો પ્રાણ છું.

રંગની આડે આવેલ રૂપ છું,

એમાંય સોનેરી રંગની ધૂપ છું;

પુષ્પમાં ધબકી રહેલો પ્રાણ છું.

એ હર્ષ છલકવાની ફરજ છું,

મૌન તોડવાની એ ગરજ છું;

પુષ્પમાં ધબકી રહેલો પ્રાણ છું.

રાત મહી તારાની ચમક છું,

નીર પધરામણીની છમક છું;

પુષ્પમાં ધબકી રહેલો પ્રાણ છું.

ગુલાબી સવારે મહેકેલો માન છું;

પુષ્પમાં ધબકી રહેલો પ્રાણ છું.