તમે આમ ન હસો - કવયિત્રી - શૈમી ઓઝા "લફ્ઝ"-મહેસાણા
તમે આમ ન હસો
કવયિત્રી - શૈમી ઓઝા "લફ્ઝ"-મહેસાણા
તમે આમ ન હસો નહીં તો દિલ બહાર નિકળી જશે,
જો આવું દરરોજ ચાલતું રહ્યું તો,
અજાણ્યે થયેલો નયનપેચ મને મારી નાંખશે....
દુનિયાની અફવા નથી અસર કરતી મને,
આપનો મધૂર અવાજ આમ જ કાને ટકરાતો રહ્યો,
તો મધુપ્રમેહ કરી નાંખશે....
ચહેરો આપનો કેન્દ્રસ્થાન બની ગયો છે,
આ દેહમાં જો હામ હશે તો દરેક ઘાવ જીરવી લેવાશે,
દિલમાં જડીત જો છબી ભૂસાસે તો શ્વાસ રુંધાશે...
શબ્દોની માયાજાળ ને વાદવિવાદમા તમે મારી સામે ટકી નહીં શકો,પરંતુ
તમારા મૌનવ્રતનો પ્રભાવ જો વધી ગયો તો મને બેબાકળી કરી નાંખશે....
મિલન કે વિયોગમાં કોને કેટલું આપવું એ ઈજારો વિધાતાને હસ્તક છે,
આપનો સ્વભાવ આ દિલને ભાવી ગયો છે,
અજાણે પડી ગયેલી આદત જો ઝુનુનમાં ફેરવાઈ ગયી તો માનસપટમા ત્સુનામી લાવી દેશે....
જે મનમાં હોય તે કહી દો
કંઈ જ ફેર નહીં પડે પણ
જરા સંભાળીને આપની વાતો જો નશો બની ગયી,
તો આપનો સાથ પામવાનું વળગણ મારો જીવ લઈ રહેશે....
ટિપ્પણીઓ નથી:
ટિપ્પણી પોસ્ટ કરો