Parichay Talks (સ્કૂલ એક્ટિવિટી ઓફ ધ વિક) Dt :- 18-08-23 બોટાદના ગઢડા તાલુકાની રામપરા પ્રાથમિક શાળામાં 77માં સ્વાતંત્ર્ય પર્વની ઉજવણી કરાઈ
ગઢડા તાલુકાની રામપરા પ્રાથમિક શાળામાં 77માં સ્વાતંત્ર પર્વની ધામધૂમથી ઉજવણી કરવામાં આવી.ગત વાર્ષિક પરીક્ષામાં પ્રથમ નંબર પ્રાપ્ત કરનાર શાળાની વિદ્યાર્થીને ખિહડિયા પાયલબેનના હસ્તે ધ્વજવંદન કરવામાં આવ્યું. ધ્વજવંદન બાદ ખિહડીયા પાયલબેન, ડેકાણી રાજુભાઈ, ડેકાણી ભૂમિકાબેન,લુંભાણી સુજલભાઈ અને ગામના અગ્રણી ડો. બટુકભાઈ પરમાર દ્વારા પ્રાસંગિક વક્તવ્યો રજૂ કરવામાં આવ્યા હતા. આ પ્રસંગે શાળામાં પ્રથમ નંબર પ્રાપ્ત કરનાર તમામ વિદ્યાર્થીઓને મહાનુભવોના હસ્તે ઈનામો આપી સન્માનિત કરવામાં આવ્યા હતા.પ્રોત્સાહક ઈનામો જાંબુકિયા હીંમતભાઈ જીવણભાઈ તરફથી પ્રાપ્ત થયા હતા.
આ ઉપરાંત શાળાના બાળકો દ્વારા રંગારંગ સાંસ્કૃતિક કાર્યક્રમ રજૂ કરવામાં આવ્યો હતો. આ પ્રસંગે તાલુકા પંચાયત ગઢડાના સદસ્ય મહેશભાઈ ધરજીયા, તાલુકા પંચાયતના પૂર્વ પ્રમુખ વશરામ તાવિયા, રામપરા પ્રા.શાળાના નિવૃત્ત શિક્ષક ભરતભાઈ ગોંડલીયા, ગામના અગ્રણી બટુકભાઈ પરમાર, સીઆરસી રમેશભાઈ ગાબુ, એસએમસી અધ્યક્ષ શામજીભાઈ ડેકાણી,આચાર્ય ચંદુભાઈ ગોહિલ જેવા અનેક અગ્રણીઓ અને યુવાન ભાઈ- બહેનો બહોળી સંખ્યામાં ઉપસ્થિત રહી શાળામાં ચાલતી વિવિધ પ્રવૃતિઓને બિરદાવી હતી. આ ઉપરાંત આ શાળાના શિક્ષક વિનોદભાઈ મકવાણાને સ્વાતંત્ર્ય પર્વની ઉજવણીના જિલ્લા કક્ષાના કાર્યક્રમમાં પ્રતિભાશાળી શિક્ષકનું સન્માન પ્રાપ્ત થતા સૌએ તેમને અભિનંદન પાઠવ્યા હતા. આભાર વિધિ જસ્મીનભાઈ લખતરિયા દ્વારા કરવામાં આવી હતી. સમગ્ર કાર્યક્રમને સફળ બનાવવા આચાર્ય અને શાળાના તમામ શિક્ષકોએ ભારે જહેમત ઉઠાવી હતી.
ટિપ્પણીઓ નથી:
ટિપ્પણી પોસ્ટ કરો