'બદલી જો દિશા'નો નારો...................
કવયિત્રી : - જુલી સોલંકી ' સચેત ' - કચ્છ - ભુજ.
મારગે મળેલ કાંટે, પગમાં ઠેસ વગાડી ગયો;
ત્યારે 'બદલી જો દિશા'નો નારો લગાવી ગયો.
પૈસાની લાલચે પડેલ માનવી જ્ઞાનને ભૂલી ગયો;
એ મોહ-માયાના બંધનના સાથે અટવાઈ ગયો.
સ્વભાવના અનેક રૂપોને અંદર ઘર કરી ગયો;
રંગ રૂપની માયાજાળમાં વિવેકને વિસરી ગયો.
કર્મના ઉદયથી ભોગવટાના બીજ રોપી ગયો;
અજાણતાં બીજાને દુઃખનો ભાગીદાર બનાવી ગયો.
અભિમાની ડગરમાં ઈર્ષ્યાની આગમાં બળી ગયો;
સમજણના અભાવે દુઃખની ખાઈમાં ગબડી ગયો.
સત્યનાં મારગમાં શૂરાના ગુણને ધ્યાનમાં રાખી ગયો;
એ વીરતાથી વીર બનીને નવા વિચારોને ફેલાવી ગયો.
મારગે મળેલ કાંટે, પગમાં ઠેસ વગાડી ગયો;
ત્યારે 'બદલી જો દિશા'નો નારો લગાવી ગયો.
ટિપ્પણીઓ નથી:
ટિપ્પણી પોસ્ટ કરો