ભાવનગરની ભાઈઓ-બહેનોની બંને ટીમે ગોલ્ડ મેડલ જીત્યો
ઓરિસ્સા ખાતે તાજેતરમાં યોજાયેલ 24મી યુથ અને મીની નેશનલ ટેનિસ વોલીબોલ ટુર્નામેન્ટ 2022માં ભાવનગરની ઘોઘા સર્કલ સંસ્કાર મંડળ અખાડાના ખેલાડી ભાઈઓ અને બહેનોએ ભાગ લીધો હતો, જેમાં ભાઈઓ અને બહેનોની ટીમે ગોલ્ડ મેડલ જીતી ગુજરાત અને ભાવનગરનું નામ રોશન કર્યું જેને બિરદાવા લાયક છે. શહેરમાં જૂના અને રેગ્યુલર ચાલતા એવા અખાડાના ખેલાડીઓની સિદ્ધિ.
24મી યુથ અને મીની ભાઈઓ અને બહેનોની નેશનલ ટેનીસ વોલીબોલ સ્પર્ધા ઓરિસ્સા પારાદ્વીપ ખાતે યોજાઈ હતી, જેમાંથી ગુજરાતની ટીમે ઐતિહાસિક સિદ્ધી પ્રાપ્ત કરેલ છે. યુવા ભાઈઓ અને બહનોની ટીમે સમગ્ર ભારતમાં પ્રથમ ક્રમાકે રહી ગોલ્ડ મેડલ મેળવેલ છે.જયારે મીની બહેનોની ટીમે બ્રોન્ઝ મેડલ મેળવેલ છે. મીની ભાઈઓ ચોથા નંબરે આવેલ આ દરેક ખેલાડી સૌથી જુના અને નિયમિત ચાલતાં એવા ભાવનગર ના એક માત્ર અખાડા ઘોઘાસર્કલ સંસ્કાર મંડળ માં આ યુવાઓ નિયમિત પ્રેક્ટીશ કરે છે.
આ અખાડામાં તમામ શાળા તેમજ કોલેજના ખેલાડી કોઇપણ નાત જાતના ભેદભાવ વિના ગરીબ તેમજ જરુરીયાતમદ તેમજ માત-પિતા ગુમાવેલ ખેલાડીઓને પણ તાલીમ આપવા આવે છે. આ ખેલાડીઓને રમત ગમતની કારકિર્દી બનાવામાં મદદ કરવામાં આવે છે. આ ખેલાડીઓને તાલીમ કોચ ધર્મવીરસિંહ જાડેજા દ્વારા આપવામાં આવે છે. તેમજ રેફરી તરીકે ફરજ બજાવતા યશભાઈ આલગોતર તથા સહાયક કોચ તરીકે આશિષભાઈ ડાભી, સોનલબેન વેગડ છે આ યુવાઓને ઘોઘાસર્કલ સંસ્કાર મંડળ અખાડાના સમગ્ર ટ્રસ્ટીઓ અને ભાવનગર વાસીઓ દ્વારા અભીનંદન પાઠવ્યા હતા.
ટિપ્પણીઓ નથી:
ટિપ્પણી પોસ્ટ કરો