બંધ આંખે જાતને જોશો તો સારું લાગશે,
કવિ :- ઉમેશ તામસે 'ધબકાર'-વ્યારા (તાપી)
બંધ આંખે જાતને જોશો તો સારું લાગશે;
આંખ જ્યારે ખોલશો તો સર્વ પ્યારું લાગશે.
ખુદને મધપૂડો બનાવી તો જુઓ ને દોસ્તો;
એ પછી શાંતિથી કહેજો કે શું ખારું લાગશે.?
ધ્યાનથી, એકાગ્રતાથી વાંચી લો થોડો મને;
કંઈક તો મારામાં તમને સ્હેજ ન્યારું લાગશે.
પાઠ એકલતાના સઘળાં શીખવી દે જે મને;
ભીડમાં પણ કો'ક અંગત ઈશ, મારું લાગશે.
રાખવી હો એમનાં દિલમાં જગા 'ધબકાર' તો;
લાગણી લાગે ફક્ત, ના કોઈ બારું લાગશે.
ટિપ્પણીઓ નથી:
ટિપ્પણી પોસ્ટ કરો